گيل كيتاب 1

سيامك  يحيي زاده    گيلكي  شئران

257  صفحه

قيمت 4000 تومان

اكبر رادي تولد مراسم رشت

مجید دانش آراسته

هادی مرزبان

بانو عنقا

اكبر رادي تولد 26 كورچ ما

اکبر رادی، ايران ِ پيله نمايشنامه‌نويس، 1513 کورچ ِ ما 26، رشت  ِ مئن به دونيا بمأ و تا خو ده سالئگی هو رشت ِ مئن زندگی گود

و بازون بوشؤ تئران. تئران ِ مئن خو درسه ادامه بدأ و تئران ِ دانشگا  مئن، اجتمايی عولوم ِ رشته مئن درس بخانده و فوق ليسانس ِ دؤره مئن، خو درسه نصفه کاره ويلأ کوده و يه‌ته يک‌ساله دؤره تربيت موعللم ِ مئن بوگذرانه و تدريسه سرأئيته.

 

رادی اوولين داستان، باران نام داشت کی 1533 بتؤنسه اطلاعات جوانان ِ مجلله داستان‌نويسی موسابقه مئن برنده ببی.

ای نمايشنامه‌نويس، 68 سالئگی مئن، 1581 موردال ما 21، وختی کی «گرفتگی عوروق» ِ واسی پارس ِ بيمارستانه راهی ببؤ، هنوز عمل ِ اوتاقه دورون نشؤ بو کی بمورده. اين ِ موردن ِ دليله مغز استخان ِ سرطان بئوتن

اني  روح شاد

ـ  اَ  وانيويس  گيلكي ويكيپديا  جه اوساده بؤسته ـ

              http://glk.wikipedia.org/wiki 

من جه کویا به کویه/جاده ای کی/تاچوم کار کونه/ ورف کوله

زنه /ترا  ورخه بدام.

ایمشب انگاره دارم/مایا  ماتا کونم/کی شوره کونه انقسنا/همساده

 خانه پرچین پاچ_کولا/

کی ترا تا دینم/به  /بور_اتش.

کن تاسایه/باد /اکا کوده داره/گرده کله ا /اتشا تیره بدا/کی

بودووه/ورف نامو ما /مست_بره کان_سارایی سیمبر_تانکی و

بوگویه گورخانه وارشا /هیستا کونه/خیابان و/حافظ پوردا / کی/دال به

 دال/دودکه بویا دیهه/می دسانه اساسی/ونلانه/نیویره/سندلی ه

سراکونا/سردی چاکونم/دخشارم/ساچمه بوخورده ستارانا/ اشانم:

لالا لا  لا  گوله ابجی

بابات رفته.....

فایتون سواران_/جهندم دره راشی/اسبان_پاصدا_وروندا/قولابتینه بزه

 ده یوزباچایه/سنگلاخانه توکالی.

من و

باد و

هچین_هلاچین

هله هله با پرچین_پاچ کول/فو بزنیم/کور سو کونه کا/خوت به

خوت/سوتکا سویا/پا  پا  پلنگی بو کونیم/انگوشتره فرنگی/  

    ورخه بدنیم.

من جه کویا به کویه/سگ کویه/خانه کویه.

18 سپتامبر-2010  کلن

مسعود پورهادی خمامی

اولين و قديميترين خانه وبلاگ نويسان گيلاني

      
            خانه وبلاگ نويسان گيلان

گيل  يار

http://www.gilyar.com/fa 

     

      بوگوفته : تي كولايا بنه بوجورتر

      بوگوفتم : نيبه ، دئه چَندَر جؤرتر ؟ ايبار بكفته چي ؟

      بوگوفته : بَنِه . ايمرو اَتؤ داب بئؤسته .

      بوگوفتم : اگر كي زرخˇ وا بَايِه ، مي كولايا تاودئه ، بازين ....

      دئه گپ نزه .

      توندي خؤ چومان' دَوَسته ، كي فكر بوكونم ، خؤفته .

تاتر / امشب ديگر مهره هاي پشتم ني لبك مي زنند

16   /   20   مرداد                 آمفي تاتر   سازمان محيط زيست گيلان   ساعت 17/30

نوروزبل 1584

شيمي   گيلاني   نو    سال    مووارك   ببه 

تومام   گيلان  وستي   جانِ ساقي    ناجه   درم  .

گيلك  بمنيد  !

     

    غورصِه    پورا   كؤده   

         ديلˇ  پَرچينَ

 

                        هوا   اَمبَست

                       شورَم   اَمبَست

 

            اَمي  كوجه  دامون   اَمبست

            هرزˇ  واشˇ   جه    .

 

            مَرَا   بوگؤ  !

              دئه     مي  گپانَ  

                 كويا   تانم    جيگا  دئن  ؟!

                                                    ۱۵ اسفندرما   ۱۵۸۳

---

                         امبست :  غليظ  /   دامون : پناهگاه جنگلي  /   واش : علف  /  

---

                                                        لوتكا 2

 

بهمن محصص

هسا  واخبرا  بئوستم        بهمن  محصص
 

  نقاش  و مجسمه ساز     فوت بوكوده  .

تولد : رشت  9  اسفند 1310

وفات : رم    7 مرداد 1389

سهراب سپهري امرا

                                    دئه  وستي   بلاگفا   جه  شئون

                                     لوتكا   تازه   نيشاني

           

              

                                 http://www.loutka-loutka.blogspot.com/

 

            

       ۱۵  اسفندار ما   ۱۴۸۲  ديلمي    /    ۲۲ تيرماه  ۱۲۸۸ 

             گيلان مجاهدين  موفق بئوستيد  تهرانَ  فتح بوكونيد

                و   محمد علي شا   سلطنت جه  خلع بئوسته

 

   هرکه با اهل گیلان در افتاد

    نامش از لوح امکان بر افتاد

                                                       سید اشرف الدین حسینی

                                    (فخرایی،ابراهیم. گیلان در جنبش مشروطیت ،ص 146  )

  

    واستي  نيويشتن

 

    هسا  كي

 

    تي  راشي   نيگا 

  

    پورا  بئوست   

 

    اوروشواره  جه .

 

    هسا كي  

 

    اَمي  ديلˇ  توم  بجار    وستي    بود    نامؤ  .

 

    .........

 

    اوشنتر  جنگل  جه  خبري  نيه  .

 

---

راشي : جاده / اوروشواره : عزاداري ـ مرثيه  /  بود : بركت ـ فراواني محصول  / اوشنتر : آن طرفتر

 

حسين احمدي نژاد

 

      

بهار بی تی گوله قَدرَ نَدَشتی

کَلی؟

تی کاکوله قدرَ نَدَشتی

دستِ دانه بَدی سیا کَلاچَ

تی مستِ بولبوله قَدرَ َ نَدَشتی

                                                                         «حسین احمدی نژاد»

 

          گيلان ايتا خؤ  خوررم  شاعرا  جه دست فادا 

    حسين احمدي نژاد     تولد  :  سال   ۱۵۲۲  ـ  گيلكي تقويم   

                          درگذشت :   ورفن ما   ۱۵۸۳

    عضو گيلان شناسي گروه  ـ  خانه فرهنگ رشت

    گيلكي منظومه :     بوخوس ،بوخوس شال بامؤ

                               خانه  مار

                              من هاني  وا  من بوبوم

   

   دئنكفتي تا هسا  تو جولفه بجار

                                  خوشكه دشته بي عَلَم  زئندري جوش

  من اَ دونيا  ويجا ، چيزاچي بيدئم

                                    موشه شيراكونه ، شيرا  كونه موش

 

گيلان زلزله كوشته بئوسته آدمان وستي

 

         دپركسته         زمين

        فوگوردسته     آسمان

        فوردسته        زمين

        ارسو  فوكوده  آسمان

 

       مي لبچ  بوكوده   گيشه يا   كسي  نيده ؟

                                                                             14 ورفن ما 1583 

 

(( واگويه ))

 زاك   بئوم !

  كو زمات ؟

  سال  69   گوفتندرم  ،  دوم  يا سوم راهنمايي  بؤم .

   او سال   قرار     بئوسته بئو  كي   مي تولدˇ وستي  كي 1   تير   بئو 

 ويشترا  مي  كلاسˇ  رفقان  دعوت بوكونم   . 

  ناني  چنقذر   ذوق دشتيم  . 

  

  شب  قبل  مي تولد  خوفته بيم .  فوتبال  هم نيگا نوكودنديبيم . 

   كي   زلزله  بامؤ   و   .......

  مي تولد  بهم  بوخورده   اما   تولد  وستي  غورصه  نشتيم  . 

 دو  نفر  امي  صميمي آشنايان جه  ، رشت  درون بمرديد

( صادقيه  ساختمان دروني )  .   

 جالب هنه كي    مي  اولين  گيلكي   شعرا    او  زمات زلزله خاطر  وستي 

  بوگوفتم  و  هسا  ،  هسا    كي   20   سال   گوذره  ،

  نانم  چي وستي   ، 

 دئه   اينگار   مي  تولد   روز   1 تير   نيه .

 قديم  منستن   ذوق  نارم  !   

 خودم   قول   جه   :   ايچي    مي   گوليا    دخشاره  .

 

78

 

   زوالِه

         دَواره  

              تي  چومانَ  .

 

   كوره قوقو 

      چاپلا   زئندره  

           پاپلي  وستي .

 

    و  مي  خيال 

        مي  خيالˇ شواله   ور   

      نيشته  

      تترج  

      پوچˇ آغوز .

 

                               سينا مدبرنيا /  ۱ ورفنˇ ما   ۱۵۸۳

---

    زواله : بعداز ظهر گرم و داغ /    دواره : مي گذرد   /  كوره قوقو : جغد  /  چاپلا :دست كوبي

                      پاپلي : پروانه /  شواله : آتش   /   تترج  :  پشت سر هم

ميرزا و جمهوري اعلام كودن گيلان درون

 

 

          گوش    بوكون  ،   خُب   گوش  بوكون  .

          نيشتاوي  صدايا   .   روخان  و  جنگل  صدايا 

        بيدين  چي   گورشا   بئوستندره  تي  كوجه  گيلان

 

 

چقدر جنگل خوسی … ملت واسی … خستا نبوستی
می جان جانانا … ترا گوما میرزا کوچک خانا
خدا دانه که من … نتانم خفتن … از ترس دشمن
می دیل آویزانا … ترا گوما میرزا کوچک خانا
چیره زودتر نائی – تندتر نائی – تنها بنائی
گیلان ویرانا ترا گوما میرزا کوچک خانا
بیا ای روح روان – تی ریش قربان – بهم نوانان
تی کاس چومانا ترا گوما میرزا کوچک خانا
اما رشت جغلان – ایسیم تی فرمان – کنیم امه جان
تی پا جیر قربان ترا گوما میرزا کوچک خانا

 

 

 

۱۶  خرداد  ۱۲۹۹ گيلان جمهوري رسميت اعلام بئوسته

اَشانِ يادا  زنده بدريم

 

 

میرزا کوچک خان ترانه / استاد ناصر مسعودی 

 

زرخ ديم

 

 

  تومامˇ  روزا    دؤوستي

  اَرا   ،  اور ا  ،  اَ شنتر ، اوشنتر .

  تازه  كي  شروع  بوكوده بؤ ،  جوخوس جوخوس  شوئي   نوكونه كي ايبار ايتا پيچا  فَرِسِه

 و  اَنَ  شاخ بزنه .

  دئه هسا   را   دكفته   بؤ .

  اما  ترسه اي   نوكونه  شهرداري  ماموران ، مغولˇ لشكر مانستن   فوتوركيد  و بساط'  

   خوشانˇ  امرا     ببريد .

  كارخانه  كي  تعطيل'   بئوسته  بؤ   ننستي  چي   بوكونه ،  دئه كويا  بشه  ،

 دئه كارخانه اي   نمانسته بؤ .

 تا هسا  سه تا كارخانه  بتانسته بؤ  كار بيافته ، اوشانم  چن سال نبوسته  ورشكست'  بئوسته بيد .

 نه  انˇ پا  سنگين  نوبؤ .  

--------------------------------

بيكاري روزان    شوئي  باغ ˇمحتشم   ايتا خوررم  جيگا  كي  خوره  سند  بزه بؤ .

خؤ  ايسما'   نيمكت  رو  چاقو  امرا    فكلاشته  بؤ .

 ايبار     كي     تومام ˇ   نيمكتان  رنگ بزبيد   ، گوما'  كوده  خؤ  نيمكت'  ،

 غورصه   بوخورده .

 چن ساعت طول بكشه  تا  بيافته ،  خو سند بزه نيمكت' .

اويا  خلوت  بؤ ،ايتا  خلوت جيگا .

 شايد نَخاستي آدمان  بيدينه  ، شايد كي نه ،  حتمن نخستي .

كارˇ سر كي  شوئي اَنقذر آدم  دئي . تور  ، عاشق ،  پيله تور .

خؤ سند  بخورده  جيگا  سر  نيشتي و  زاكان'  ايشماردي ،  ايتا موشته نان ( قديم  پلا دانه 

فوكودي)  خمير'  كي وسواس امرا   بِرجِنه   بؤ    فوكو دي  و اشان   توك زئن   فاندرستي و

دعا كودي كي وارش  بواره ،

اگر كي وارش ايتا   هفته نامويي  چن روز بيكارا بئوستي ، بازون بئوستي  پيله  تور  و  ايتا

بهانه دونبال گردستي تا كي اينفرا'   بيافه  و  وَكَف  بزنه .

-------------------------

توند توند   دؤوستي .  وارش  وارستندوبؤ   .  توندˇ وارش .  پيله  وارش .

ذوق كودي .

تا هسا چن تا   دلو   پورا    كوده بو ؟

------------------------

شوئي  كوجه ميدان   سر .   نيشتي او جلو  و  خو بساط'   واشادي .

خو گوليا'   صاف'   كودي ، ايتا  كوجه  خوس  كودي ، بازون داد  زئي :

(( بيا بيهين ، تازه تازه ))

((  آب  تصويه شده . خالص . خالص . آب باران ))

 

                                                                      سينا مدبرنيا  /   12  دياما    1583

---

 دؤوستي : مي دويد /  جوخوس جوخوس : پنهانكي  / پيچا : گربه  /   فوتوركستن : حمله بردن  / 

 فكلاشته : تراشيده /تور : ديوانه  /  برجنه بؤ :  ريز ريز كرده بود /  توك : نك /    وكف :  گير دادن  / 

 دلو : ظرف /  واشادي : پهن ميكرد  /  خوررم : خوب

 

 

 

 

1-----------------------------------------------------------------------

ايچي انˇ  گوليا  دخشاردي .

 انˇ دسان لس بو وصاف  هچين اينفر منستن كي خواب ˇ درون را شئوندره

جلويا نيشان دئي .   

جيرا  نيگا نوكودي ، ترسه اي   گيج گيجي بوخوره  و بكفه . پاتوك پاتوك شوئي ، ايتا  پا

بازون اويتا پايا  نئي .   ايباركي بئسا ، شايد كي بتنه واگرده  . سخت بو . اما بئوستي .

كي اينفر قايم بزه  انˇ پوشت  و داد بزه : اوهوي  !  تي رايا بوشو .

برزخ واگردسته كي انˇ جواب'  فده  . اما هي كس  نئسابو  .

خب فاندرسته  . باز هي كس  نئسابو .

اما ايتا سنگينˇ نفس ، شايد ايتا سايه ، از زماتي كي رادكفته بو ، خو پوشت ايحساس كودي .

خوفته بو ؟   بايستي خوابˇ جه ويرشته بي  ، اما ترسه اي  كي خواب نبه ، بازون كفتي جير 

 و ...

دِ  ايپچه شئون  راحت' بئوسته بو ، ايحساس بوكوده ايتا كوجه زاك بئوسته ، قديم منستن .

تلارˇ هره  سر شوئي . او زماتان  نترسه ايي ، اما هسا ، نوكونه ايبار انˇ پا جليسكا بوخوره .

پيله ترا  كي  بئوسته بو ، خاندي .

 تي تي ناز وستي خاندي .

خوشان روبرويي  همساده وستي .

       كور جليسكا خوري كفي آب ميان                    آب ترا بره  غازيان  ..............

نوكونه اَ جير غازيانˇ مورداب منستن ببه .  شنا دنستي ، خب دنستي  .

 اما اگر كي  سنگ و كلوخ ببه چي ؟ شايد سرˇ امره  امويي جير ، شايد هم خو بالˇ سر كفتي .

اما  نه . ترسه اي .

او  سنگينˇ  تام  بشكفته و صيدا  بيشتاوسته ، ايبارده  وگردسته ،

 ايتا فيسقالˇ نور سوسو زئي .

چن تا  آشنا قيافه بيده كي خوشان سر آرام تيكان دهيد و اينگار كي ايچي گوفتيد . اما نه .

همه تا  ماسك بزبيد  ،  ويشتر بترسه  و  خو قدمان  ايپچه توندا  كوده .

 

 2---------------------------------------------------------------------------

بيده . ايتا فيسقال  نور'  كي  سوسو زئي ، اما  ايتا  دِ  روبرو  بو . 

خيلي بمانسته بو تا كي فارسه .

و باز  خو قدمان توندترا  كوده  ،   دِ  ترس  فكر  نوكودي  .  دِ  خسته بئوسته بو  . 

خو قدمان  كي  هسا  توندتر  و توندترا  بئوستي  ايشماردي  ،   داد زئي  و ايشماردي .

يك  ،  دو  ،  سه   ......

3--------------------------------------------------------------------------

......  يك ميليون و .....  

فارسِه  .

همه تا جيگا  روشن بو  .  اينگار  كي آخر  اَ خط   بو .    اوشاني  كي  ماسك دشتيد  ،  هسا

انˇ  جلو ايسابيد  و باز  ايچي  گوفتنديبيد  .  بولندتر  گوفتيد اما  معلوم نوبو  چي  گوفتندريد .

ذوق بوكوده . 

ايتا  پيله دشت بو  ، پور   دار  و گول جه  .  بهشتا  منستي  .

بهشت  ! !

اِ   نوكونه  اَن هيزار  رايا   واخبرا  نوبوسته بو  . نوكونه  بمرده بي   و ايا بهشت بو .

و اونم   صراطˇ  پورد  .

خو  آخرين  قدما   قايم  بنه .   دِ  فارسه .  خط  تومام  بئوسته  . باز  ذوق بوكوده .

ايباركي   همه تا  سيا  بئوسته  . همه تا چي سيا بئوسته  .

تيكان نوخورده . نوكونه ايتا چالكا درون دكفه .

و باز  ترس بو  كي  بودووسته  انˇ ديلˇ دورون . 

خو  جيبانا   توند توند  بگردسته  . ننا بو .  چن بار  بگردسته  .

لعنتي !      

فندك'   جا   بنابو  .                                        

                               سينا مدبرنيا     /     29 سيا ما     1583  / رشت

---

 پاتوك پاتوك : آهسته آهسته  /  بازون(بازين ) : بعد /  ايباركي : يكهو /  برزخ : عصباني  / جليسكا : سُر

تام : سكوت  / فيسقال : خيلي كم  /  ويشتر : بيشتر / واخبر : خبردار / پورد : پل / چالكا : چاله

 

 

 

  پور زمات 

  نيويشتن  وارشˇ  جه  .

  تا  فوشوره                                                                         

       فـَوَره

  اوشاني  كي  دوس  ناري .

 

  نيويشتن  ناجهˇ  جه          

  سيفيدˇ  ناجه !

  كولˇ  ناجه !

   موران  بزه  ناجه  !

   تا كي  تي  خودا  بيشتاوه  .

 

   و هي  نيويشتن  رافا   جه  .

    رافا !     رافا !     رافا !

 

   فردا  !

   فردا  وستي   ،  چي  جه  بايستي نيويشتن ؟

 

   ايبارده    نَهَم   مي  كوجه شعر  درون

  چن  تا   .................

            ..................

 

                                                                  رشت /   22 سيا ما    1583

 

تهران بيمير

              

               دكتر  محمد  معين

                تولد :  ۹ ارديبهشت ۱۲۹۷  رشت

                       وفات :   ۱۳ تير     ۱۳۵۰

                               

  دكتر معين مراسم درون ۲۰۰ نفر ويشتر شركت نوكوديد  كي  فرداي

او  روز  ابوالقاسم انجوي شيرازي  ، اطلاعات روزنامه  درون ايتا مقاله

                                  بينيويشته  و اون ايسما بنا                                       

    تهران بمير  

................ ويشتر بخنيد .

                  

 

    امی   گوم گومه'                                                                م . ش   وستي

    کويا   جخطرا   دئي

    امی  سيفيدˇ  ناجه يا ؟

    ديپیچستی   گیله وا   مَنِستن

    مردومˇ   گپانˇ  درون

    امی  حیکایت .

    هسا

    هسا  ترسم

    ترسم   تورˇ وا     جه 

    ترسم  دونيا  سيا  لابدان  جه .

    نوکونه   اَ  كوجه  تي تي يا   گورشا  كونيد .

 

                                                                                                           سيا ما  ۱۵۸۳

---

 گوم گومه : پچ پچ ـ  نجوا    /   جخطر : از خاطر   /  ديپيچستي : مي پيچيد /      گيله وا :  نام بادي در گيلان كه به خوش يمني معروف است /   تور وا : باد ديوانه  /  لابدان: تار عنكبوت /  تي تي : شكوفه  /  گورشا : سوخته

            دوس نشتيم مرگ خبر مي وبلاگ درون بنم

شرمنده .

حميده خير آبادي 

ايمرو   صوب  ساعت۲   فوت بوكوده . تسليت .

   

                                                        ويشتر.....

كوجه داستان

 

  ((  چَف  بوكوده ناجه  ))

 

يك،  دو ، سه  .    ايشمارديم .

مي  چومانَ   دَوَستيم   و  رافا ايسائيم  كي  تو  اَموندري . 

مي پئر ومار ، فاميل  ، همساده   گوفتيد  كي  اموندري .

 ايبچه  بئس .    ايبچه  چنقـذر  بِه ؟

   مي مدرسه معلم جه  واپرسم  .

:  بوگوفته بيشمار،  يك  دو  سه   .    بيشماردم   هيزار تا .

زماتي كي غورصه خورديم   شوئيم  ايتا  جيگا   و  ايشمارديم  .

 نامويي !

راس  بوگو  بامويي ؟  نامويي   دِ   !      چره  ؟

اصن  دني  چن سال  بوگذشته ؟

 

چن سال  گياه بئوستم ،  چن سال  ايتا ماهي ،    حتي ايبار بئوستم سوبول

ايتا كوجه سوبول ،     چن روز  ويشتر عمر نوكودم   و    د.....

 ناني ؟

ناني كي تومام  اّ پيله  قرنان  درون  دوس دشتيم  كي  ترا   ايبار  بيدينم .

 هسا  ايبارده  آدم بئوستم   .   اصن   من تا هسا چن بار بَمردم ؟

 چن تا  جسم  عوض بوكودم ؟ دني ؟  ناني ؟  تو اصن چي دني ؟

دِ   خسته كودندري مرا  ! 

فكر كونم  دِ  مي ناجي   نيه  تي  دئن .

هسا ايتا تازه ناجه  درم .     دني  ؟   

 تو كي نامويي .   خودا  ره  پيغام اوسه كودم كي  دِ  مي روح قوت ناره  ، تومام كون  ،

دِ  نوح عمرا   نخايم .

  نخايم   . هَن !!!

 

                                                                                                                                         رشت /     سياما 1583

---

 چف : ورم  /  هساده : همسايه  /  چنقذر :  چقدر  / جيگا : جا /   سوبول : كك   /    قرنان : قرنها

 

           هسا ايتا بد  خبر بيشتاوستم

كيومرث ملك مطيعي      

 ايمرو ساعت   ۱۴:۵۰  تهران شريعتي بيمارستان درون فوت بوكوده .

د نانم چي بينيويسم ،  تسليت گم .

 

       ۱ ـ    ويشتر

                                   ۲ ـ     فيلماني كي بازي بوكوده بو .

 

 

              واموجم   بهارا

             حج حجي  دونبال   

             گيلكان  خوشك  بئوسته ديم  سر

               ايشتاوي  صيدايا  ؟

              ...............

               اَموندره   گدا  بهار .

 

 

     خوشکَ  بوسته

     آسمان دیل

     فوگوردسته  می  رافایی   تی تی .

     .....

     چره  نامو   بهار ... ؟

 

                                                             

                                        

 

 

   نیویسم

   هیزار بار نیویسم

   تا کی می دیلˇ مانستن

   موران نزنه

   می گپانَ ....                  

            

 

پور زماته  کی  نیبه

 تی  جه  شعر  گوفتن

نیبه  تی  جه  نیویشتن .

می  آو  بیگیفته  ناجه یان

سومانپلانˇ امرا   گردنم

نارید   دِ    هی ذره  قوت  می  خوشکˇ دستان .

زماتی کی  وارستندری

   اما  ناری   هی صیدا

نیبه ............

نیبه  تی جه  نیویشتن .

دینی  می خوشک ˇبوسته  دیلا

دردˇ جه   دِ  هسا  

خوره  ایتا  پیله  وارشه  .

 

                                                                                                        

                                                                            23 امیرما 1583