اگر دینی کی هسا
می چومان آبی بوسته خنده جه .
اگر دینی کی هسا
می پا ، خو راستˇ رایا اویرا کوده
و خودا کی ایتا پیله زمات
می امرا قار بو
هفتاد بار مِره دوعا کونه
و وارش
کی دِ نوارستی می دیمˇ سر
دِ نوارستی می دیلˇ سر
هسا دوواره می امرا گپ زنه
و هشتاد بار می امرا لی لی بازی کونه
فقط تی وستیه
تی سبزˇ حضورˇ وستیه
کی من هسا
می اویرا بوسته ایسما بیافتم
و دوواره همه تان
می کوجدانه باغ درون
می امرا آشتی بوکودید
دنی آخر تی امرا (( بال به بال قسم بوخورده یم ))
تی امرا قسم بوخورده یم .
رشت / میر ما ۱۵۷۸
+ نوشته شده در یکشنبه پانزدهم آذر ۱۳۸۸ ساعت توسط سینا مدبرنیا
|
